Böhm interpreta a un psicópata que filma as súas vítimas mentres morren, un fotógrafo posuído pola alucinación e marcado pola súa infancia. Seu pai, un científico obsesionado por estudar as reaccións infantís ante o medo, esnaquizou a súa psique e converteuno nun adulto acomplexado. O personaxe precisa matar e fixar en imaxes o terror que senten as súas vítimas. Por iso exerce a profesión de fotógrafo, para encubrir os seus plans e poder satisfacer os seus afáns morbosos sen suscitar sospeitas.