Atopan unha muller asasinada na estepa de Mongolia. Durante unha noite, un policía mozo e inexperto ten que custodiar a escena do crime. Dado que descoñece os perigos do lugar, envían a unha pastora local para protexelo a el e o cadáver. Trátase dunha resolta muller, duns trinta e tantos anos, que sabe como manexar un rifle e facer fuxir os lobos. Ela encárgase de prender unha cacharela para combater o frío. O alcol tamén axuda a este propósito, así como a proximidade dos corpos que a muller propicia.