Anthony ten case 80 anos, vive só no seu apartamento de Londres e rexeita cada unha das enfermeiras que a súa filla, Anne, trata de imporlle. Porén, tal necesidade é cada vez máis urxente para ela, xa que decidiu trasladarse a París para vivir cun home que vén de coñecer. Axiña faise evidente que a percepción da realidade é cada vez máis confusa para Anthony.

Baseada na exitosa obra teatral homónima do director, o filme está coescrito polo gañador do Oscar Christopher Hampton (As amizades perigosas). Protagonizada polos gañadores do Oscar Sir Anthony Hopkins (Regreso a Howards End) e Olivia Colman (A favorita).