A sombra do obxectivismo antropolóxico persegue a un torpe director que experimenta metodolóxica e formalmente ao redor do acto obsceno de rodar poboacións nativas na localidade máis septentrional. Alí, Robert Peary, explorador norteamericano, pensou hai máis de 100 anos que a única maneira de que un ser humano alcanzase o Polo Norte sería ter fillos con inuits para crear unha super-raza que axuntase a fortaleza esquimá e a clarividencia do occidental. Tras os pasos desta extravagante teoría camiña este ensaio fílmico en busca desa super-raza.

Presentación e coloquio co director Raúl Alaejos o luns 17 de febreiro.