Rodada en 1986, durante o Carnaval de Trindade e Tobago, o documental acompaña a Lord Kitchener, gran mestre do calipso, e á irreverente Calypso Rose, pioneira do xénero nun ámbito dominado por homes, na súa viaxe desde os estudios de gravación de Nova York ata as vibrantes rúas de Porto España, rumbo ao concurso do Monarca Calipso do Ano.

A través dos seus protagonistas, reconstrúese a historia oral do calipso como música de resistencia, sátira e celebración: desde as súas raíces africanas e o seu papel na loita anticolonial, até a súa expansión global e a aparición do soca. Unha inmersión musical e festiva, restaurada en todo o seu esplendor, que convida a deixarse levar pola súa enerxía contaxiosa.