Un programa de curtametraxes cargado de aventuras sorprendentes, emocións e moita, moita neve! Para estes días de finais de ano nos que aproveitamos para parar e apreciar o valor da familia e os seres queridos.

Operación Papá Noel (Opération Père Noël), Marc Robinet, Francia, 28’, 2021
William, de 10 anos, vive nunha enorme mansión cos seus pais millonarios, case sempre ausentes. Acostumado a telo todo, pide un agasallo moi particular para este Nadal: ao propio Papá Noel en persoa.

El trineo (Belchonok i sanki), Olesya Shchukina, Rusia, 2016, 4’19” sen diálogos
Un día de inverno, mentres a súa nai está fóra, un esquío inquedo e curioso fará un decubrimento do máis emocionante.

Aurora boreal (Au pays de l’aurore boréale), Caroline Attia, Francia, 15’, 2019 
Colin vive no Polo Norte co seu avó Karl. Durante a época de cazar narvales, o avó parte coa súa casa trineo e deixa a Colin ao cargo da súa tía. Pero un malentendido de última hora, fará que Colin se vexa arrastrado pola aventura e acabe vivindo unha viaxe transformadora.

Merry Grandmas!, Natalia Mirzoyan, Rusia, 2019, 8’07’’
Masha quere ir á festa de Noitevella cos seus pais, pero deciden deixala coa súa avoa. A cativa pasará a noite rodeada de señoras maiores, moito máis marchosas e enérxicas do que esperaba.