Os amos tolos
Les maîtres fous | Jean Rouch | 1955 | 28 min

A premisa deste documental é seguir os efectos do colonialismo dos indíxenas africanos a través de varios rituais que estes desenvolveron a raíz do sistema colonial.

Eu, un negro
Moi un noir | Jean Rouch | 1958 | 70 min

"Cada día, mozos similares aos personaxes deste filme chegan ás cidades de África. Abandonaron a escola e a contorna familiar para intentar entrar no mundo moderno. Non saben facer nada e fan de todo. É unha das enfermidades das novas cidades africanas, a xuventude sen emprego. Esta xuventude, enclavada entra a tradición e o maquinismo, entre o Islam e o alcol, non renunciaron ás súas crenzas, pero é seducida polos ídolos modernos do boxeo e do cinema. Durante 6 meses seguín un pequeno grupo de mozos emigrantes de Níxer en Treichville,  suburbio de Abidjan, capital de Costa de Marfil. Propúxenlles rodar un filme onde interpretasen o seu propio papel, onde tivesen o dereito de facer e dicir o que quixesen". Jean Rouch

Sesión presentada polo profesor e programador de cinema Julio Vilariño (Cineclube de Compostela)