Geneviève é unha moza que vive coa súa nai e a axuda na tenda de paraugas que ten en Cherburgo. Está namorada de Guy, un mozo mecánico, co que pensa casar a pesar da oposición da súa nai, que considera a Geneviève demasiado nova e a Guy demasiado pobre. Para pagar unha débeda, a nai vese obrigada a vender un colar a un rico xoieiro que namora de Geneviève desde o primeiro momento. Mentres tanto, Guy terá que se ausentar dous anos para ir a Alxeria facer o servizo militar.