O documental recolle unha aventura de catro anos na que Andoni Canela e o seu fillo Unai percorren o mundo na procura dos grandes felinos en liberdade que aínda habitan no noso planeta; unha aventura na que pai e fillo comparten protagonismo co xaguar de Mato Grosso, o guepardo do Kalahari, o tigre de Rajastán, o puma da Patagonia, o leopardo de Yala, o lince ibérico de Sierra Morena e o león de Masái Mara. A travesía alóngase durante varios anos e culmina nunha zona recóndita, entre altas montañas, onde Adoni e Unai Canela tratan de atopar o lendario e fuxidío leopardo das neves no Himalaya.