Documental sobre a trepidante carreira para facerse cun cadro perdido de Caravaggio, un chamado "sleeper". O cadro, titulado "Ecce Homo", durante anos estivo pendurado no salón dunha familia madrileña que, sen saber que era do xenio italiano e podería chegar a valer 300 millóns de euros, púxoo en 2021 a poxa por 1.500 euros. Tras ser recoñecido por expertos e marchantes de arte, desatouse unha intensa e arroutada carreira por tentar adquirilo, unha competición na que un marchante de arte, que vive en Mónaco, chegou a ofrecer 20 millóns de euros por un cadro que só vira en fotos de Whatsapp. Finalmente alguén de quen se ignora a súa identidade adquiriuno, cedendo a súa exhibición ao Museo do Prado durante uns meses en 2024. Descoñécese onde se vai exhibir finalmente.