Public Image Ltd (Pil) foi o grupo que John Lyndon (Johnny Rotten) formou ao finalizar The Sex Pistols en 1978, logo dunha decisiva viaxe a Xamaica. Máis ca unha banda de rock, PiL é unha corporación que leva experimentando coa música e a súa representación nos medios durante máis de 30 anos, cheos de altibaixos artísticos e persoais. The Public Image is Rotten é o retrato do comezo do post-punk en Inglaterra, composto por un inmenso material de arquivo fílmico e memoria dos que o viviron. John Lyndon e os numerosos membros de PiL abren os seus corazóns para lembrar, insultar e reflexionar sobre as súas tres décadas de traxectoria.