Non hai nada máis branco que a perda, ou que un amencer en Islandia, cando a vista só distingue entre o ceo e a terra. Alí Ingimundur, un xefe de policía retirado a quen encarna Ingvar Sigurdsson (Mellor Interpretación Semaine de la Critique) cunha humanidade tan táctica e rochosa como un protagonista de John Ford. Ingimundur comeza a sospeitar que un home local tivo unha aventura coa súa defunta esposa, que morreu nun tráxico accidente dous anos atrás. A súa obsesión por descubrir a verdade remata poñéndoo en perigo a si mesmo e aos seus seres queridos.

A segunda longametraxe de Hlynur Pálmason, ovacionado polo público do Festival de Xixón, demostra con tensión e candor como o amor pode ser máis frío e doloroso que a morte.