Vía Versus é unha peza audiovisual feita de dous poemas ou dous poemas filmados que buscan facer aparecer dous lugares moi concretos, o Nordeste arxentino e Ourense, a partir da fala e as historias dalgunhas persoas que neles habitan e onde se atopan e desatopan cunha orixe e pertenza difíciles de delimitar. Tamén e sobre todo foi unha viaxe a un territorio descoñecido e un desprazamento do medio do que viñan a cineasta arxentina Clarisa Navas e a poeta española María Salgado, en equipo con Lucas Olivares, Marta F. Salgado, Luis Molina, Marta Orozco e Chus Pérez Limia.  

A peza foi filmada entre o nordeste arxentino —Formosa e Correntes— e Galicia —Pousada e Verín—. A partir destes territorios concretos e das linguas, historias e formas de vida de quen os habita, a obra indaga naquilo que permanece oculto ou silenciado por procesos históricos de represión e esquecemento. Dous poemas escritos por Salgado acompañan o filme como voces sonoras e como textos impresos dispoñibles para o público, articulando un diálogo entre palabra, imaxe e territorio. Máis sensorial que discursiva, a película constrúese como unha viaxe compartida no que ambas as artistas desprázanse desde as súas linguaxes e lugares de orixe cara a un espazo común aínda por definir. Este proceso de apertura colectiva, vivido xunto ao equipo de traballo, dá lugar a unha obra de sentido aberto, que se expande máis aló da proxección e desprégase en distintas formas de experiencia. 

A sesión irá seguida dun encontro na libraría coas poetas María Salgado e Luz Pichel.