Obsesionado coa idea de rodar un filme sobre a miseria e o sufrimento, o director de cine John L. Sullivan convence aos executivos do estudio para que lle permitan percorrer o país disfrazado de vagabundo antes de empezar a rodar. Logo de traballar como peón para unha viúva que espera del algo máis ca cortar leña, foxe da súa casa, mais o camión que o recolle lévao de volta a Hollywood. Sentíndose completamente frustrado, Sully entra nunha cafetaría, onde coñece a unha actriz loira, que, entusiasmada co seu proxecto, decide acompañalo na súa aventura.