Whitney Houston rompeu máis récords na industria musical que ningunha outra cantante na historia. Con máis de 200 millóns de álbumes vendidos en todo o mundo, foi a única artista en conseguir sete números 1 consecutivos nos Estados Unidos. Protagonizou varios filmes comerciais antes de que a súa brillante carreira dese paso a comportamentos erráticos, escándalos e a súa morte repentina aos 48 anos. Whitney é un retrato auténtico, íntimo e honesto da artista e a súa familia, que sondea alén de titulares sensacionalistas e bota luz á fascinante traxectoria da vida de Houston. Usando material de arquivo inédito, gravacións exclusivas, actuacións insólitas, arquivos de audio e entrevistas orixinais coas persoas que mellor a coñeceron, o gañador do Oscar Kevin Macdonald desentraña o misterio detrás de The Voice, que emocionou a millóns de persoas e loitou por facer as paces co seu problemático pasado.