A procura da flor de Irupé, película perdida de Guillermo Fernández-Zúñiga, pioneiro español do cine científico, dá inicio a unha viaxe a través de historias familiares e arquivos nacionais. A medida que o yrupé medra lentamente, emerxen capas de imaxes e silencios. O xurado do Premio Latexos do Festival Novos Cinemas, entre o que se atopa NUMAX, describiu a obra como un "exercicio sensible de reconstrución da memoria".

O pase contará con presenza da directora, Candela Sotos, e inclúese na xira de difusión do Premio Latexos edición 10 (Novos Cinemas. Festival Internacional de Cinema de Pontevedra).