Este verán protéxete do sol, bebe moita auga (sen plástico, mellor), bebe, en xeral, o que che preste e baila en festivais e verbenas. Pero sobre todo, escolle ben as lecturas que te han acompañar. Desde a Libraría NUMAX, deixámosche algunhas propostas:
Cinco pílulas máxicas, cinco libros fundamentais para o artista Jorge Varela, que estará o martes 23 de xullo ás 20:00 connosco para presentar o Episodio #02 de Creación Contemporánea. As súas Notas á marxe falarannos da íntima relación que establece a escultura e o relato de ficción nos seus últimos proxectos artísticos.
