“Avelaíñas eléctricas” trata con delicadeza e agarimo distintos temas universais ancestrais, como a violencia, o amor, a amizade, a responsabilidade, a ética, o sexo e a sexualidade, a discriminación, a diferenza, as drogas e as adiccións... Estes temas están tamén presentes nos poemas de Rosalía de Castro que introducen cada un dos capítulos do libro. Así, a novela pode empregarse como ferramenta pedagóxica e de reflexión para a propia lectora e tamén como ferramenta para iniciar debates en calquera ámbito social.