Libraría

Presentación de 'Ruído de trens', de Eduard Velasco

O vindeiro xoves 21 de maio ás 20:00 presentarase na libraría NUMAX Ruído de trens, o poemario de Eduard Velasco gañador do XXVII Premio Nacional de Poesía Xosemaría Pérez Parallé e editado recentemente por Espiral Maior.

«Em Ruído de trens a ironia faz parte do caráter auto-crítico acima referido, mas apontoa tamém a exploraçom metaliterária, o pensamento sobre o poema que atravessa o livro. A consciência da técnica (ritmo, métrica, espaço), da poesia como domínio da linguagem, confirma que já fôrom os tempos de acreditar na espontaneidade, na inspiraçom e em Maria Santíssima, e, o que é ainda melhor, que a escrita do Eduard encerra projeto, horizonte, porque renega da clausura e da complacência e conhece o seu caráter provisório.» Isaac Lourido (no prólogo de Ruído de trens)

Deixamos que sexa o propio autor quen desvele os participantes no evento:

«Na presentación intervirá Miguel Anxo Fernán Vello, editor de Espiral Maior, Eduardo Estévez, coordinador do certame, Eduard Velasco, que fixo moitísimos máis arroces ca poemas e non entende por que ninguén o considera cociñeiro, e Helena Capera Cullell e mais Adrián Estévez Iglesias, que aparecen como dinamizadores de xornalistas e mestres da lectura porque o convite hai que facelo serio aínda que, en realidade, estarán oficiando a cerimonia en calidade de amigos da familia.»