Sani Ladan é africano de orixe camerunesa. Graduado en Relacións Internacionais, diplomado en Ciberintelixencia e cun máster en Liderado, Diplomacia e Intelixencia, conxugou formación académica e experiencia práctica no mundo global. Ademais, foi asesor no gabinete da ministra de Dereitos Sociais do Gobierno de España no 2021.

Como analista xeopolítico, conferenciante e divulgador, dedica o seu traballo ao exame crítico das dinámicas africanas, as políticas migratorias, os dereitos humanos e a seguridade nas fronteiras europeas. Panafricanista comprometido, tamén colabora coa asociación Elín en Ceuta e forma parte do padroado da FUNDEC, dúas organizacións que defenden os dereitos das persoas migrantes.

Así mesmo, é creador do pódcast África en 1 click e colaborador habitual no programa Mañana más de Radio Nacional de España, desde onde impulsa unha narrativa diferente sobre África e as diásporas africanas.

No seu libro La luna está en Duala (Praza&Janés, 2023) ofrece unha reflexión estratéxica e penetrante sobre a relación asimétrica entre Europa e África, así como sobre as migracións, o coñecemento e a xustiza epistémica. En El latir de un continente (Plaza&Janés, 2026) propón unha mirada ampla e documentada que sitúa a África no centro da súa propia narración.