O control policial e peche dalgúns pasos da fronteira pirenaico-atlántica natural do Bidasoa que impuxo Francia no verán de 2018 para evitar a entrada dos migrantes en tránsito cara ao resto de países europeos, provocou 10 mortes nun ano. Sete persoas faleceron desde abril de 2021 afogadas nas augas do río Bidasoa entre Irún e Hendaia, e outras tres perderon a vida en outubro de 2021, atropeladas por un tren en Ziburu. Este documental, ademais de dar voz e poñer rostro a varias das activistas a un lado e ao outro do río, como representantes das asociacións Harrera Sarea (Rede de acollida) e Bidasoa Etorkinekin (O Bidasoa cos migrantes), tamén recorda aos que perderon a súa vida, poñendo nome, idade, travesía e soños, coñecendo a historia e as persoas que se esconden tras as frías cifras de falecidos, humanizando desta maneira a traxedia.