Rúa Santa Fe, nunha barriada de Santiago de Chile, 5 de outubro de 1974. Carmen Castillo sobrevive ao seu compañeiro Miguel Enríquez, dirixente do Movemento de Esquerda Revolucionaria (MIR polas súas siglas en español) e da resistencia contra a ditadura de Pinochet, que morre no asalto á súa casa por parte dos militares. É o punto de partida de Calle Santa Fe, unha viaxe ao presente deses barrios e á memoria dos vencidos, unha viaxe levada a cabo sen compracencia ou autoindulxencia algunha. E cunha narrativa guiada polas seguintes preguntas: estes actos todos de resistencia pagaron a pena? Miguel morreu por nada?