Santos, un vello sicario español que leva media vida en Arxentina, descobre que está a piques de morrer e abandona o hospital cunha provisión de morfina. Comeza entón unha viaxe cara ao norte atravesando todo o país nunha especie de tranquila peregrinación na que coñece unha muller que se converte na súa compañeira de estrada. Ao longo de dous mil quilómetros, entre paisaxes áridas, encontros inesperados e situacións absurdas, Santos emprende unha fuxida que mestura humor negro, tenrura e reflexións sobre a morte e a liberdade.