Nun mundo postapocalíptico onde todo perdeu o seu valor, os poucos superviventes guíanse pola lei do máis forte. Sen aprecio pola vida, o único que esperta un brutal interese é a gasolina, sinónimo de poder e obxectivo de bandas armadas ata os dentes e sen escrúpulos.

Neste contexto, a moza Furiosa é arrebatada do Lugar Verde de Moitas Nais e cae en mans dunha gran Horda de Motociclistas liderada polo Señor da Guerra Dementus. Furiosa debe sobrevivir a moitas probas mentres reúne os medios para atopar o camiño a casa.