A historia do flamenco está intimamente ligada á modernidade e ao nacemento das máquinas. Entre o conto e o ensaio, Jaleos propón unha viaxe por episodios sorprendentes e pouco coñecidos: do primeiro filme de Edison coa bailaora Carmencita á fascinación flamenca do nazismo e as vangardas artísticas. Un percorrido polos séculos XX e XXI, atravesando o mundo e conectando flamenco, política, arte e historia, guiado por un coro de voces diversas, con artistas contemporáneos e figuras clave do flamenco.

O pase do venres 20 de novembro contará coa presenza de Marcos Flórez, socio de NUMAX e montador xunto a Sergi Dies da película.