No décimo aniversario da súa estrea, regresa á nosa pantalla o feitizo dun dos musicais máis importantes do cinema recente, cuns estelares Emma Stone e Ryan Gosling de protagonistas.

Mia (Emma Stone) é unha das moitas aspirantes a actriz que viven en Los Angeles en busca do soño hollywoodense, gáñase a vida como camareira mentres se presenta a montóns de probas de cásting. Sebastian (Ryan Gosling) é un pianista que vive das actuacións de segunda que lle saen, e o seu soño é rexentar o seu propio clube onde render tributo ao jazz máis puro. Nunha competición constante por buscar un oco no mundo do espectáculo, a parella descubrirá que o equilibrio entre o amor e a arte pode ser o maior obstáculo de todos.