A vida de Isabel dá un inesperado xiro o día en que a súa filla Madalen lle pide que visite regularmente a Ramón, que se atopa enfermo. Logo de quince anos afastada do seu ex-marido, un home ao que ve como un descoñecido pese a que foron familia durante anos, en Isabel comezan a reavivarse resentimentos que cría superados. Porén, ao acompañar a Ramón no seu momento máis vulnerable, Isabel conseguirá ver con outros ollos o fracaso que viviron para se centrar no presente da súa propia vida.