A cidade de Memphis é o escenario para as tres historias que conforman este filme, que teñen máis a ver entre si do que semella a simple vista. Lonxe de Yokohama, a primeira, segue a dous mozos xaponeses cuxo soño é visitar Graceland, a casa de Elvis Presley. En Unha pantasma, unha muller italiana doada de convencer vese estancada agardando o avión que os leve de volta a casa, a ela e ao cadáver do seu marido. E en Perdidos no espazo, a terceira, tres homes vense perseguidos pola lei como consecuencia de actos realizados baixo efectos do alcol.