![](https://numax.org/storage/cache/images/1ea/1721733470-460_5d525c2e-parolar-cun-eu-cartaz.jpg)
Cineuropa 2022 - Programa 1: Panorama Audiovisual Galego
- Estrea
- DCP2K
- VG
Cineuropa 2022 - Programa 1: Panorama Audiovisual Galego
- Cineuropa 2022
- Estrea
- DCP2K
A revolución (é) probable
Lee Douglas, María Ruido, Paula Barreiro | 2022 | DOC | 30 min.
Para que serve unha revolución? Unha revolución aluma outras posibilidades de vida. Velaquí a premisa da que parte esta curtametraxe, que toma como caso de estudo a última das grandes revolucións europeas, a que tivo o seu comezo o 25 de abril de 1974 en Portugal, afonda nas súas raíces coloniais e reflexiona sobre o seu final o 25 de novembro de 1975.
Anatomía dunha serea
Adriana Páramo | 2022 | DOC | 15 min.
Tras recibir un trato desapropiado no hospital e sufrir as consecuencias dunha episiotomía que se lle practicou sen o seu consentimento durante o parto, a actriz Iria Pinheiro inicia un trámite xudicial contra o Servizo Galego de Saúde, pero, desanimada fronte o complexo e custoso proceso legal, refúxiase no teatro como medio de denuncia. A través dos ensaios e das escenas da obra, Pinheiro conta a súa historia usando a parodia como motor para lle dar visibilidade a esta realidade oculta.
Margarita Ledo. Parolar cun eu
Xisela Franco | 2021 | DOC | 20 min.
Unha muller que se despraza por unha cidade, Vigo. Cineasta, escritora, camiñante entre ruínas. Margarita Ledo. Busca un sinal que a leva á fábrica de cerámica Álvarez. Pasos perdidos sobre cascallos e, asemade, unha experiencia inzada de interrogantes, do paso do tempo, dos distintos estados da desaparición que levan á morte pero que, paradoxalmente, aparecen como memoria viva dunha ruptura traumática.
- Título orixinal: Cineuropa 2022 - Programa 1: Panorama Audiovisual Galego
- Ano: 2021
- Duración: 64 minutos
- Idioma orixinal: Galego
![](https://numax.org/storage/cache/images/b7d/1721733502-600x424_5d525c35-a-revoluci-n-probable-1.png)
![](https://numax.org/storage/cache/images/07b/1721733502-600x424_5d525c36-anatomiadunhaserea4.jpg)
![](https://numax.org/storage/cache/images/3ca/1721733502-600x424_5d525c37-_dsc8355.jpg)