Poti, Nais, Ione e Das son xente nova que decidiu vivir baixo os seus propios termos. Mentres a sociedade os empurra a abandonar as súas aspiracións, cada un debe revisar a súa identidade a través do diálogo. Así comeza un íntimo intercambio entre eles e Marina, a súa amiga e directora do filme. Coa proximidade da súa cámara, acompáñaos nos momentos máis lúcidos e fráxiles do seu cotián: bailar, espertar xuntos, pasear por paisaxes amadas, botar a chorar e a rir mentres buscan, en complicidade, manterse íntegros.