Un abafante día de agosto de 1945, os habitantes dun pobo prepáranse para a voda do fillo dun funcionario municipal. Mentres, dous xudeus ortodoxos chegan á estación de tren portando dúas misteriosas caixas. O funcionario teme que os homes sexan fillos dos xudeus que foron deportados, que veñen reclamar as propiedades que agora teñen eles de maneira ilegal, perdidas polos seus donos durante a 2ª Guerra Mundial. Outros lugareños teñen medo de que veñan máis superviventes e de que estes representen unha ameaza para as terras e as posesións que agora reclaman como súas.