Maryam é unha nova e ambiciosa médica que traballa no centro de saúde dunha pequena cidade de Arabia Saudí. A pesares da súa alta cualificación, debe gañarse a diario o respecto dos seus compañeiros homes e a aceptación dos pacientes. Indignada polo pasotismo do concello, que demora unha e outra vez asfaltar o camiño de acceso ao hospital, decide presentar a súa candidatura ás eleccións municipais. O seu pai é músico e está de xira tocando nos primeiros concertos públicos permitidos no Reino de Arabia Saudí en décadas. Maryam recruta logo as súas dúas irmás pequenas para recadar fondos e planificar a campaña. A súa inesperada candidatura á alcaldía sorprende a familia e sacude unha comunidade nada afeita á idea de que unha muller dirixa o consistorio.