Non hai nada que Jonna desexe máis que ter unha nai. Os seus 8 anos de vida viviunos no orfanato Punta en Branco. Un día chega un vello Volvo Amazon do que aparece unha gorila que elixe a Jonna para que vaia vivir con ela. Marchan xuntas e pronto danse conta que teñen máis cousas en común do que pensaban. Pero xusto cando están mellor, aparecer Tord, do goberno municipal, e ameázaas con devolver a Jonna ao orfanato.

O filme está recomendado para nenos e nenas de 3 anos en diante e vai ser proxectado na súa versión dobrada ao castelán. Nos pases do sábado 22 e domingo 23 sortearemos un exemplar do libro La estrella de los simios (Frida Nilsson), en colaboración coa distribuidora Pack Màgic.