Século XVIII. Suzanne (Pauline Étienne), é unha moza brillante e fermosa nacida nunha familia burguesa. O mundo vénselle abaixo en canto os seus pais a envían a un convento de clausura. Nel, dará de fociños coa dureza da xerarquía que goberna todos os aspectos da súa nova vida: as madres superioras xulgan con dureza as dúbidas e maila rebeldía de Suzanne.

Adaptación da novela homónima de Diderot, o filme narra a historia dunha muller que tenta resistir a imposición de determinados valores relixiosos, revelando o efecto embrutecedor da vida de clausura.