Petar é un sacerdote que regresou ao seu pobo para encargarse da parroquia, do coidado da súa nai -quen padece Alzheimer- e do seu fillo rebelde. O sacerdote termina sendo un obstáculo para unha gran venda de propiedades situadas na zona onde se atopa a súa parroquia. Ante a negativa do sacerdote, un grupo de aldeáns decide realizar todo tipo de accións coa finalidade de persuadilo. Hai algo neste filme do montenegrino Ivan Marinovic do costumismo do cinema italiano que sucedeu ao neorrealismo. Un conflito social, un inimigo do pobo encarnado por un sacerdote. E unha espita para certo grao de humor que desconxestiona este drama social que supón a estrea na longa de Marinovic.