O caserío representa un mundo antigo, unha forma de vida, sabedoría e valores que esvaece diante dos nosos ollos. O caserío é familia, un clan que afonda as súas raíces no coñecemento herdado durante séculos. A familia é o lugar onde baten dous mundos, onde creba o lazo entre pais e fillos. Os fillos de Tomás e Isabel experimentan o conflito entre o mundo antigo e o novo. Como vivir na cidade sen lle dar as costas ao caserío, como liberarse del sen crebar a cadea de coñecemento, como escoller un camiño sen traizoar os antergos. Amaia enfronta estes dous mundos que a habitan por medio da arte. Para atopar o seu camiño cómprelle saír do caserío, enfrontarse ao seu pai, provocar feridas e romper o vínculo.