Nunha tarde de inverno moi fría, António e Jota volven do fronte xunto aos seus amigos na busca dunhas antigas termas romanas. Fan bromas entre eles e vadean pantanos mentres rememoran a súa última batalla. As termas aparecen tras pasar moito tempo baixo a auga dun encoro e xente de todas as idades acode a pasar o día. Pero hai algo misterioso nesas termas, como se a auga influíse no estado de ánimo dos rapaces, dándolles o valor de dicir cousas que nunca contaran a ninguén. A medida que o día se converte en noite, confesan os seus sentimentos e os seus medos de perder para sempre o seu mellor amigo.