O banco que se creou sen cartos conta a historia de como un grupo de persoas comprometidas cos valores éticos, sociais e ambientais conseguiu construír unha entidade financeira diferente, baseada na transparencia e na xustiza social. A través de testemuños de traballadores, socias e outros protagonistas, o documental mostra como a colaboración e o esforzo colectivo fixeron posible un soño que parecía utópico, mesmo un oxímoro: un banco onde as persoas son o centro e o diñeiro é unha ferramenta para o ben común.

O pase, gratuíto até completar aforo, contará cun coloquio posterior coordinado por membros de Fiare Banca Ética.