Tras unha suposta infidelidade, Atli é expulsado da súa casa pola súa muller, que non lle permite ver máis á súa filla. Vese obrigado a mudarse a casa de seus pais, que están envoltos nunha pelexa cos seus veciños debido a que a súa impoñente e fermosa árbore dá sombra no patio deles. Mentres Atli loita por ver a súa filla, a confrontación veciñal intensifícase até límites insospeitados. Bos veciños é unha comedia negra sobre o civismo hipócrita da clase media.