Tras o seu falecemento, Fernando Ruiz Vergara deixou decenas de bosquexos de filmes que nunca  puido realizar. O cineasta andaluz só dirixira un documental, Rocío, desgarrador e abraiante, maldito trala súa censura xudicial nos primeiros anos da democracia en España. Desde entón, os seus proxectos permaneceron latentes na imaxinación e no desexo. En Caja de resistencia fabúlase con aqueles proxectos soñados para levalos ao cinema do presente, coma un xesto de resistencia.