Filme dividido en tres episodios, que reflicte a vida e opinións de Nanni Moretti. Na miña Vespa é unha aproximación á vida cotiá de Roma durante o mes de agosto; en Illas visita a Gerardo, un amigo que leva once anos vivindo en Lipari. Xuntos percorren outras illas como Salina, Stromboli, Panarea e Alicudi. En Médicos o director filma a súa propia quimioterapia e o seu percorrido por hospitais e especialistas incapaces de diagnosticarlle a causa duns insoportables proídos.