A primeira longametraxe realizada por Jean-Marie Straub e Danièle Huillet presenta unha biografía moi singular de Johann Sebastian Bach. Os documentos, a narración do diario da súa muller e, ante todo, a súa música, interpretada polo gran Gustav Leonhardt e outros músicos vestidos de época, dino todo. Segundo Straub, a idea era crear un filme no que a música fose empregada non como acompañamento nin como comentario, senón como materia estética.