En colaboración co Festival Internacional de Cinema de Bueu proxectamos unha escolma de curtametraxes do cineasta experimental lituano Jonas Mekas que terá presentación de Nieves Febrer, autora de «Caderno FICBUEU#5: Jonas Mekas. O cinema como arte da memoria».

Cassis
Cassis | Jonas Mekas | 1966 | 4 min
Un pequeno peirao no sur de Francia, un faro, o mar filmado desde xusto antes do amencer ata xusto despois do solpor, durante todo o día, fotograma a fotograma, un ou dous fotogramas cada segundo ou cada poucos minutos.

Apuntamentos sobre o circo
Notes on the Circus | Jonas Mekas | 1966 | 12 min
Ringling Bros., filmado en tres sesións (circo de tres pistas), sen postedición de ópticas, cinco rolos encadeados tal como saíron dunha cámara. A Jug Band de Jim Kweskin preparou a banda sonora.

Hare Krishna
Hare Krishna | Jonas Mekas | 1966 | 4 min
Un ‘documental’ —un domingo pola tarde en Nova York— fermosa nova xeración — bailando nas rúas de Nova York — cantando ‘Hare Hare’ — enchendo as rúas e o aire de amor…

Informe desde Millbrook
Report From Millbrook | Jonas Mekas | 1965-1966 | 12 min
Rodada en 1965, nunha visita de fin de semana á casa de Tim Leary. Foi unha saída lixeira de verán. Nada de LSD. Porén, Tim levoume a dar un paseo e falamos sobre o LSD. Díxenlle que as substancias químicas que motivan e impulsan aos artistas son máis poderosas e misteriosas que o LSD ou calquera outra droga. Con ese comentario demos media volta e terminamos o noso paseo. Non había nada máis que dicir. En 1966, o local de Tim foi irrompido polo shériff local. O East Village Other gravou unha entrevista co shériff sobre a redada. Utilicei a entrevista como banda sonora do filme. A metraxe tamén pode verse doutra forma en Walden: Diaries, Notes and Sketches (1969). - Jonas Mekas.

Cancións de viaxe
Travel Song | Jonas Mekas | 1967-1981 | 28 min
Composto a partir de dúas décadas de rodaxe itinerante en Europa, Travel Songs evoca ese improvisado enfoque tan propio de Jonas Mekas para facer turismo. Asís, Moscú e Estocolmo son filtrados a través da súa extraordinaria e animada lente.

Cuarteto #1
Quartet #1 | Jonas Mekas | 1991 | 8 min
Empecei a preocuparme pola inxente cantidade de material inédito que tiña nos meus andeis. Tiña que facer algo con el antes de que empezara a esvaecerse. Unha idea era empezar a editalo todo en forma de cuartetos. Este cuarteto foi o meu primeiro intento nesa dirección. - Jonas Mekas.

Filmes perfectos de tres imaxes
Imperfect Three-Image Films | Jonas Mekas | 1995 | 6 min
Unha serie 'imperfecta' de tres imaxes dos meus novos diarios cinematográficos. - Jonas Mekas

Canción de Avignon
Song of Avignon | Jonas Mekas | 1998 | 5 min
Reflexións sobre a miña viaxe a Avignon no ano 1966, a cal me axudou a superar unha profunda crise pola que estaba pasando. Os textos son dos meus diarios daquel período e son lidos por Angus McLise. - Jonas Mekas

Mozart Wien & Elvis
Mozart Wien & Elvis | Jonas Mekas | 2000 | 3 min
Trátase de imaxes da última actuación de Elvis Presley en Nova York o 9 de xuño de 1972. Está precedida por imaxes que gravei en Viena uns anos antes. É unha gravación única mírese por onde se mire. - Jonas Mekas