![](https://numax.org/storage/cache/images/de8/1632503457-460_4e06a1f0-1632159155-460_48c5b358-curtocircuito-2021-banner-390x553-terra.jpg)
Curtocircuíto 2021: Terra 2 | Enar de Dios Rodríguez
- Estrea
- VOSE
Curtocircuíto 2021: Terra 2 | Enar de Dios Rodríguez
- Curtocircuíto 2021
- Estrea
Enar de Dios Rodríguez (1986, Ourense) é unha artista visual cunha obra interdisciplinar que inclúe o vídeo, a fotografía e a instalación. Na súa práctica artística o proceso de selección de material audiovisual e textual serve como punto de partida para a súa exploración poética e a súa aplicabilidade política. Os seus proxectos máis recentes centráronse na produción do espacio, prestando atención ás consecuencias socio-políticas e medioambientais. A súa obra mostrouse en lugares tan diversos como o Contemporary Jewish Museum (San Francisco), Project Space (Melbourne), a mochila dun amigo, Kunsthalle (Viena), o 45 Salón Nacional de Artistas (Bogotá), e tamén en festivais como DokuFest (Prizren) ou this human world (Viena). Recibiu numerosas bolsas e premios como a bolsa de produción Pixel Bytes + Film, o premio de arte contemporánea Murphy and Cadogan ou a bolsa DKV Seguros-Álvarez Margaride. Enar é co-fundadora do proxecto científico-artístico SEEC Photography e membro de The Golden Pixel Cooperative.
XOVES 7 DE OUTUBRO | 19:45 | 1h 09 min 59 seg
Vestiges (an archipelago)
Enar de Dios | 2020 | 40:59 | Austria | DOC, EXP | COR
Vestiges (an archipelago) é un videoensaio que investiga a nosa insaciable demanda de area, o recurso natural máis usado do mundo despois da auga. Trátase dun labirinto narrativo e poético onde se cruzan o colonialismo, as dragas e os proxectos de "recuperación do solo", e onde se conta como a area está enmarañada na máquina global que chamamos progreso.
A idade de pedra
Ana Vaz | 2013 | 29:00 | Brasil | DOC, EXP | COR
Unha viaxe ao extremo occidental do Brasil condúcenos ata unha estrutura monumental, petrificada no centro da sabana. Inspirado na épica construción da cidade de Brasilia, este filme utiliza a historia para imaxinala doutro xeito; seguindo o rastro xeolóxico que nos conduce a este monumento, o filme saca á luz un relato de exploración, profecía e mito.
- Título orixinal: Curtocircuíto 2021: Terra 2 | Enar de Dios Rodríguez
- Duración: 70 minutos
- Idioma orixinal: Varios idiomas
![](https://numax.org/storage/cache/images/3b6/1633504221-600x424_5d4bddd0-vaz-1.jpg)
![](https://numax.org/storage/cache/images/26f/1633504221-600x424_5d4bddd1-vaz-23.jpg)
![](https://numax.org/storage/cache/images/af8/1633504221-600x424_5d4bddd1-vaz-3.jpg)