Karamakate foi no seu día un poderoso chamán do Amazonas. Actualmente é o último supervivente do seu pobo e vive un illamento voluntario no máis profundo da selva. Leva anos de total soidade que o converteron en chullachaqui, unha cáscara baleira de home, privado de emocións e lembranzas. Pero a súa vida baleira dá un xiro o día en que chega Evan, un etnobotánico americano en busca da yakruna, unha poderosa planta oculta, capaz de ensinar a soñar. Karamakate accede a acompañar a Evan na súa busca e xuntos emprenden unha viaxe ao corazón da selva no que o pasado, presente e futuro se confunden e no que o chamán irá recuperando as súas lembranzas perdidas.