El camino é un documental que explora a realidade da migración. Con testemuños en primeira persoa de migrantes que cruzaron o mediterráneo, o filme explora os problemas de orixe e os medos e esperanzas que levan ás persoas a atravesar o deserto e o mar para chegar a Europa. Un documental coral que une tamén as voces dos que traballan no mar rescatando persoas e dos que acollen no continente europeo.

Coa presenza do director José Manuel Colón e de Marcos Penas, médico e voluntario de Open Arms, participante na misión 67 que sae no documental. Entrada gratuíta até completar aforo, podes reservar praza na nosa web ou na billeteira do cinema, máximo 2 convites por persoa.

Esta proxección forma parte do ciclo de cinema e migración Realidades agochadas, un proxecto desenvolvido por Eido Cultural e financiado polo programa Iniciativa Xove da Xunta de Galicia.