Un rico matrimonio estadounidense que leva en Roma unha vida despreocupada, ve como o seu fillo se suicida. A nai, traumatizada e sentíndose culpable por non ter atendido máis o seu fillo desde a infancia, decide axudar a xente máis necesitada nos barrios máis humildes da cidade. Porén, a súa axuda a un ladrón vaina poñer baixo sospeita a ollos da policía.

Europa '51 conta con dúas versións, unha falada en italiano e outra en inglés. Neste pase decantámonos por proxectar a versión inglesa xa que se trata dunha copia de maior calidade e foi o idioma no que rodou Ingrid Bergman, mentres na versión italiana os seus diálogos foron dobrados pola actriz Lydia Simoneschi.