Segunda sesión o ciclo "Pioneiras" no que recuperamos a obra de mulleres que, ademais de seren fundamentais na creación da linguaxe do cinema, abriron camiño para moitas cineastas que viñeron despois.

Falling Leaves
Alice Guy-Blaché | 1912 | 12 min
Este outono, o Dr. Earl Headley espera demostrar con impaciencia o que parece ser unha cura milagrosa para a tuberculose. Porén, non moi lonxe de onde está a traballar, a enfermidade parece lista para reclamar unha nova vida, unha nena chamada Winifred encóntrase gravemente enferma. Chea de poesía, Falling Leaves está considerada a obra mestra da primeira directora da historia do cinema.

Eleanor's Catch
Cleo Madison | 1916 | 15 min
Encantadora curtametraxe dirixida e protagonizada por Cleo Madison, actriz de éxito e unha das numerosas mulleres que dirixiron en Universal na década de 1910. A protagonista é unha moza arrastrada á vida delictiva por causa do seu pretendente. O seu sorprendente final supón un referente no reclamo da igualdade das mulleres no traballo.

The Dream Lady
Elsie Jane Wilson | 1918 | 54 min
Rosamond é unha moza que herda unha fortuna do seu tío falecido e decide cumprir os seus tres maiores desexos: ter un can de Livonia, vivir nunha cabana no bosque e ser adiviña.