As fillas do fogo | As filhas do fogo | Pedro Costa |  2023 | 8 min | VOSE

Un tríptico de imaxes que ocupa toda a pantalla, un musical de dor e éxtase no que participan as cantantes Elizabeth Pinard, Alice Costa e Karyna Gomes como mulleres separadas entre si tras a erupción da illa volcánica de Fogo, en Cabo Verde, en 1951. As tres cantan unha canción popular ucraína.

Tráiler da película que non existirá xamais: "Guerras de broma"  | Film annonce du film qui n’existera jamais: “Drôles de guerres” | Jean-Luc Godard | 2023 | 20 min | VOSE

No momento do seu falecemento en setembro de 2022, Jean-Luc Godard atopábase en plena preparación da súa última longametraxe, a adaptación da novela do escritor belga Charles Plisnier Falsos pasaportes, publicada en 1937. Aínda que a longametraxe non chegou a realizarse, o complexo e fermoso trailer que Godard montou e viu finalizado, preséntase como a súa última obra, unha complexa colaxe de historia, política e cinema armada con papel e pegamento, pinturas e fotografías, son e silencio.