O impulso do que agroma esta película é a lectura do panfleto comunista e anti-sionista Il cani del sinai, escrito polo poeta florentino Franco Fortini pouco despois da guerra dos Seis Días. Aos realizadores non lles interesaba tanto o argumento anti-imperialista como a crítica do pasado de Italia que o texto formulaba con gran ferocidade.

A proxección irá acompañada da curtametraxe Toda a revolución é unha tirada de dados (Jean-Marie Straub & Danièlle Huillet, 1977, 10'), lectura no cemiterio parisino de Père Lachaise do poema de Stéphane Mallarmé Una tirada de dados jamás abolirá el azar.

*NOTA: A sesión pode ter un subtitulado particular con certas frases ou fragmentos sen subtítulos. Isto non se debe a ningún erro, senón á maneira en que Straub e Huillet querían que se subtitulasen os seus filmes.